Американските сили нападнаа цели на јеменските бунтовници Хути
Централната команда на САД (ЦЕНТКОМ) денеска соопшти дека американските сили уништиле седум радари на јеменските бунтовници Хути, едно беспилотно летало и два површински морски беспилотни летала во Јемен во изминатите 24 часа.
Американскиот одговор уследи по нападот врз грчкиот товарен брод Тутор, што пловеше под знамето на Либерија, а превезуваше јаглен. Од оштетениот брод при нападот на Хутите евакуиран е екипажот. Бродот бесцелно плови низ Црвено Море, а продолжува потрагата по исчезнатиот морнар, соопштија филипинските власти и Поморските трговски операции на Велика Британија.
– Постои план за отпочнување на операција за спасување на бродот Тутор, кој превезуваше јаглен под знамето на Либерија. Екипажот на бродот се состоеше од 22 Филипинци, од кои 21 се спасени, а сè уште се трага за уште еден морнар, изјави филипинскиот министер за работници мигранти, Ханс Лео Какдак.
Нападот врз бродот во грчка сопственост се случи на 12 јуни во близина на јеменското пристаниште Ходеида. Тоа е трет напад на Хутите врз брод управуван од филипински морнари од минатата година, при што двајца филипински морнари беа убиени, а 17 сè уште се во заробеништво.
Хутите ја презедоа одговорноста за нападот врз бродот Тутор. Од ноември Хутите користат беспилотни летала и проектили за да ги напаѓаат бродовите во Црвено Море, во теснецот Баб ал-Мандаб и во Аденски Залив, во знак на солидарност со Палестинците во Појасот Газа.
Ново на Сител
-
22 годишник уценувал девојка, ако не му исплати пари дека ќе објави компромитирачки фотографии и видеа
-
Мицкоски - Агелер: Зајакнување на билатералните односи и интензивирање на соработката
-
Избоден маж пред обложувалница во Охрид
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум