Најавените врнежи добредојдени за земјоделството
Стабилното време изминатата седмица, како и дневните температури кои достигнаа натпросечни вредности за овој период од годината, придонесоа за пролетно будење на овошките. Според агрометеоролозите, најавените врнежи во наредните денови се од големо значење за земјоделските култури, но и за подготовка на почвата за садење, како и за успешно навлегување во посевите во период на пролетен развој.
-Во наредните денови, за време на викендот, времето ќе биде сончево и релативно топло со мала до умерена облачност. Денеска повремено ќе дува силен ветер, над 60 километри на час, од јужен правец, а најавени се и врнежи од дожд на повеќе места. Наместа врнежите ќе бидат пообилни, особено во западните и јужните делови, над 20 литри на метар квадратен. Појавата на врнежи од дожд е од големо значење за земјоделските култури зашто го одржува на исто ниво пролетното будење на овошките, што е поволно во овој период од годината. Исто така, врнежите од дожд го подобруваат водно-физичкиот режим на почвата, ја надополнуваат влагата во почвата која е потребна во овој период, велат агрометеоролозите од УХМР.
Како што наведуваат, побарувањата на вода се големи, скоро кај сите земјоделски култури.
-Според физиологијата на растенијата, почвената влага е потребна за пролетна подготовка на почвата за садење на одредени култури, како и за успешно навлегување на посевите во период на пролетен развој, истакнуваат агрометеоролозите.
Ново на Сител
-
Пронајдена неексплодирана граната од Втора светска војна на нива во скопско Бојане
-
Пронајден починат затворник во КПУ „Идризово“
-
Кривична пријава за жител на дебарското село Отишани, поради поседување марихуана
-
Полицијата повторно го уапси Акиф Равманоски кој беше помилуван од претседателката Сиљановска Давкова
-
Фон дер Лајен: Завршивте добра работа, имаме одлични реформи, ќе почнеме со 52 милиони евра од Планот за раст
-
Малолетник тешко повреден кога со мотоциклот излетал од патот Маврови Анови – Гостивар
-
Анкета: Хрватите и Словенците сакаат победа на Харис, Србите на Трамп
-
Собранието ќе ја продолжи 17. седница следната недела