Спасовски: Изготвена е кривична пријава против петте лица, на повеќе од 100 страници

Министерот за внатрешни работи, Оливер Спасовски на вонредна прес-конференција вечерва рече дека е изготвена кривичната пријава против петте лица кои се осомничени за двојното убиство на Вања Ѓорчевска и Панче Жежовски. 

„Денеска сите бевме во очекување за кривичната пријава против петте лица која што ја најавивме вчера и веќе можам да најавам дека таа е изготвена на повеќе од 100 страници, вклучувајќи ги и доказите и предадени се во ОЈО. Со неа се опфатени 5 лица, од кои 1 за грабнување и убиство, тројца за грабнување и соизвршителство и еден за помагање. Од овој момент натаму, предметот е во надлежност на ОЈО“, појасни министерот Спасовски.