Извлечени двојките за плејофот за ЕП 2024

Во седиштето на УЕФА во Нион, беше извршена ждрепката за бараж дуелите по кои ќе бидат познати последните три репрезентации кои ќе играат на ЕУРО 2024-та.

Иако од претходно беа познати три пара, денеска беа одредени преостанатите три за полуфиналната рунда.

12-те репрезентации се поделени во три групи, од кои по одигрувањето на полуфиналните и финалните натпревари, победниците ќе обезбедат настап на шампионатот.

Полуфиналните натпревари ќе се играат на 21 март, а пет дена подоцна (26 март) и финалните дуели.

Победниците од овие бараж дуели ќе бидат сместени заедно со Италија, Србија, Швајцарија во последниот 4-ти „шешир“ во ждрепката за групите за ЕП што е закажана за 2 декември (сабота) во 18 часот.

Европското првенство во Германија започнува на 14 јуни и ќе трае до 14 јули. Ќе се игра во 10 градови, а финалето е во Берлин.

БАРАЖ – ЗА ЕУРО 2024

Лига „А“ – полуфинале
ПОЛСКА (1) – ЕСТОНИЈА (4)
ВЕЛС (2) – ФИНСКА (3)
финале
Велс / Финска – Полска / Естонија

Лига „Б“ – полуфинале
ИЗРАЕЛ (1) – ИСЛАНД (4)
БИХ (2) – УКРАИНА (3)
финале
Босна и Херцеговина / Украина – Израел / Исланд

Лига „Ц“ – полуфинале
ГРУЗИЈА (1) – ЛУКСЕМБУРГ (4)
ГРЦИЈА (2) – КАЗАХСТАН (3)
финале
Грузија / Луксембург – Грција / Казахстан