Лајчак и Ескобар вечерва на средба со Курти во Приштина, утре во Белград со Вучиќ
Косовскиот премиер, Албин Курти ќе ги прими денеска специјалниот пратеник на Европската унија за дијалогот меѓу Косово и Србија, Мирослав Лајчак и заменикот помошник државен секретар на Соединетите Американски Држави и специјален пратеник на претседателот Џо Бајден за Балканот, Габриел Ескобар, јави дописникот на МИА од Приштина.
Според соопштението на владината служба за информирање, Курти ќе се сретне со претставниците на ЕУ и САД во неговиот кабинет во 20 часот. За утре претпладне е најавен а средба на двајцата дипломати и со косовската претседателка, Вјоса Османи.
Цел на посетата на Лајчак и Ескобар е изнаоѓање решение за напнатата состојба во северно Косово, каде што тамошните Срби повеќе од една недела протестираат против изборот на градоначалници Албанци во тамошните четири општини на неодамнешните вонредни локални избори, кои тамошното српско население ги бојкотираше.
Со цел смирување на ситуацијата во тој дел на Косово, населен со мнозинско српско население, европскиот и американскиот посредник утре ќе отпатуваат за Белград, каде што, меѓу другото, се очекува да се сретнат со пrетседателот на Србија, Александар Вучиќ.
Ново на Сител
-
Туфегчиќ: Обвинението против Александар Ѓорчевски е неосновано и опасен правосуден преседан, бараме ослободување
-
Сопственици на над 20 фиктивни компании уапсени во голема антикорупциска операција во Србија
-
Адвокатот на Видевски бара ослободителна пресуда, тврди дека обвинението не е докажано
-
Од денеска до петок нестабилно со пороен дожд, грмежи и засилен ветер
-
МААЕ: Во израелските напади се погодени два ирански погони за производство на центрифуги
-
И „Барбиките“ добиваат вештачка интелигенција
-
МЗ ќе раководи со процесите за тоа какви донации се потребни за семејствата на настраданите и за повредените во Кочани
-
Кривична пријава за узурпација на јавен простор против угостители во Кочани поднесе в.д. градоначалникот Крстевски