Маричиќ во работна посета на Шведска
Вицепремиерот задолжен за европски прашања Бојан Маричиќ од денеска е во дводневна официјална посета на Кралството Шведска, на покана на неговата колешка Јесика Росвал.
Како што соопшти СЕП, Маричиќ во Стокхолм покрај средбата со министерката за европски прашања Росвал, ќе има состанок и со нејзиниот државен секретар Кристијан Даниелсон, со заменик претседавачката на Комитетот за ЕУ прашања во Риксдагот, Матилда Еркранс и со пратеникот во Шведскиот парламент, Аднан Дибрани. Фокус на разговорите, како што информираат од СЕП, ќе биде европската перспектива на Македонија, реформите, текот на процесот на преговори со ЕУ, билатералните односи и развојната помош, како и приоритетите на Шведското претседателство со Советот на ЕУ.
Во рамки на посетата, вицепремиерот ќе се сретне и со генералниот секретар на Меѓународниот институт за демократија и изборна помош, Кевин Касас-Замора и со заменик генералниот директор и директор на Одделот за Јужна Америка и Европа на Шведската агенција за меѓународна развојна соработка (СИДА), Лиза Фредриксон. Маричиќ ја реализира посетата за време Шведското претседателство со Советот на Европската унија.
Ново на Сител
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни
-
Г7 договори нацрт-изјава за Израел и Иран, но Трамп најверојатно нема да ја потпише
-
Муцунски: Работиме на засилување на динамиката на средби со официјална Софија
-
ЕХФ му изрече двегодишна суспензија на грчки АЕК, парична казна за Алкалоид
-
При израелски напад погодена иранската државна телевизија
-
Захарова: САД ја откажаа средбата со Русија за нормализирање на работата на дипломатските мисии
-
Субвенции од 2.000 денари месечно за сите средношколци од прва година од кривопаланечката гимназија