Поевтинува роамингот меѓу Западен Балкан и ЕУ - ќе пропадне ли оваа поволност за нашите граѓани поради конфликтот Србија - Косово?
Тирана е домаќин на Самитот на земјите од Западен Балкан кој ќе се одржи во вторник на 6 декември, под покровителство на Берлинскиот процес и во организација на премиерот Еди Рама.
Како што дознаваме од извори од Европската Унија, на Самитот шесте држави и претставниците на Европската Унија треба да потпишат многу значаен договор за намалување на цените на роамингот за разговори и интернет меѓу било која држава од Западен Балкан и било која држава од Европската Унија.
Покрај Северна Македонија, потписници на овој договор треба да бидат и Албанија, Босна и Херцеговина, Црна Гора, Косово и Србија. Сепак, со оглед на екстремно високото ниво на тензија меѓу Србија и Косово и неизвесноста дали Александар Вучиќ и Ана Брнабиќ ќе одлучат да го бојкотираат Самитот во Тирана, нашите извори брифираат дека под знак прашалник е и потпишувањето на договорот за паѓање на цените на роамингот меѓу Западен Балкан и ЕУ.
Роамингот пред три години за прв пат поевтини меѓу земјите од Западен Балкан, за целосно да биде отстранет на 1 јули 2020 година. По истата методологија, доколку на 6 декември се потпише договорот во Тирана, најпрво ќе поевтини роамингот меѓу земјите од Западен Балкан и земјите од ЕУ, а потоа истиот целосно ќе биде укинат. Со тоа граѓаните од Северна Македонија и регионот ќе можат да комуницираат со своите мобилни телефони и во земјите од ЕУ како да се дома.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот