Во Јапонија маж се самозапали поради државниот погреб на Абе
Маж се самозапали денеска во близина на седиштето на јапонската влада, во знак на протест против владината одлука да организира државен погреб на поранешниот премиер Шинзо Абе, кој беше убиен на почетокот на годинава, на 27 септември.
Мажот е пренесен во болница со изгореници по целото тело, а повреден е и полицаецот кој се обидел да му помогне и да го изгасне пожарот, јавуваат јапонските медиуми. Како што е наведено, мажот, на возраст од 70 години, бил во несвест кога пристигнала полицијата, но подоцна им кажал на истражителите дека се полил со бензин.
Во негова близина е пронајдено писмо во врска со државниот погреб на Абе, во кое тој напишал „Силно се противам на тоа“. „Слушнав дека полицијата пронашла маж со изгореници во близина на владините канцеларии и знам дека го истражува инцидентот“, рече главниот секретар на јапонската влада Хироказу Мацуно. Абе, јапонскиот премиер со најдолг стаж, кој поднесе оставка во 2020 година поради лошо здравје, беше убиен на предизборен митинг на 8 јули.
Неговиот државен погреб е закажан за 27 септември, на кој ќе присуствуваат околу 6.000 луѓе од Јапонија и странство.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница