Собранието треба да ја одржи 75-тата седница
Собранието денеска треба да ја одржи 75-тата седница, на чиј дневен ред се три точки, меѓу кои ребалансот на Буџетот и Предлог одлуката за продолжување на крзината состојба на дел од територијата на земјата.
Прва точка пред пратениците е Предлог на закон за изменување и дополнување на Законот за извршување на Буџетот на Република Северна Македонија за 2022 година, по скратена постапка, иако амандманската распра за ребаланост на Буџетот за оваа година на матичната Комисија за финансирање и буџет се уште не завршена, и како што е најавено треба да продолжи утре.
Пратениците треба да ја разгледаат и Предлог одлуката за изменување на Одлуката за одобрување на продолжување на рокот за постоење на кризна состојба на дел од територијата на Република Северна Македонија, заради висок ризик од зголемен обем на влез и транзитирање на мигранти низ територијата на државата и заради заштита на јавното здравје од илегална миграција во услови на постоење на пандемија прогласена од Светската здравствена организација за вирусот SARS-CoV-2 и спречување од негово ширење, со кои се загрозува безбедноста, здравјето и имотот на населението.
Последна точка на дневен ред е Предлог на закон за дополнување на Законот за работните односи, по скратена постапка. Овие предлог измени, се однесуваат во делот на престанок на договорот за вработување, со предвидување на исклучок за судиите и јавните обвинители и предвидување одредби за продолжување на нивниот мандат. Временската важност на овие одредби, се предлага да трае најмногу до три години се со цел да се постигне пополнетост на местата во судовите и јавните обвинителства.
Во Собранието денеска седница треба да одржи и Законодавно-правната комисија.
Ново на Сител
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час
-
Единаесет грански синдикати во КСС нема да протестираат по повод Меѓународниот ден на трудот
-
Девојче со тешки телесни повреди пренесено во прилепската болница
-
Вметнувани страници во пасош, приведен швеѓанин на Табановце