Груевски се сретна со државниот секретар на германското МНР
Претседателот на ВМРО-ДПМНЕ, Никола Груевски денеска се сретна со државниот секретар на германското Министерство за надворешни работи Михаел Рот, кој е во посета на Македонија.
На средбата, како што информира ВМРО-ДПМНЕ, е разговарано за повеќе актуелни прашања поврзани со тековната политичка состојба во државата, евроатланските интеграции и процесите што ќе се преземат на тој план.
Груевски истакнал дека заложба на партијата е надминување на политичката криза преку одржување на предвремени парламентарни избори согласно одредбите и роковите на Изборниот законик кој го поддржаа парламентарните партии во Собранието на Република Македонија.
Лидерот на ВМРО-ДПМНЕ посочил дека постои доволно време кое треба да го искористат надлежните институции за сите неопходни процедури коишто ќе го гарантираат изборниот процес. Во тој контекст, истакнал дека приоритет на ВМРО-ДПМНЕ е организирање на фер, демократски и слободни избори на коишто граѓаните ќе се одлучат за иднината на државата и оценил дека изборите се единствен излез од наметнатата политичка криза. Груевски додал дека ВМРО-ДПМНЕ дава максималната поддршка во поглед на спроведувањето на квалитетен, фер и демократски изборен процес.
Двајцата соговорници се осврнале и на темата на евроатланските интеграции при што Груевски истакнал дека членството во ЕУ и НАТО претставува стратешка цел, за што се преземаат мерките од реформскиот план и оти во таа насока е добредојдена поддршката на Германија и на останатите земји членки на ЕУ и НАТО.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд