Руско МО: Зазедовме неколку градови и соборивме авиони, продолжуваме со нападите на Мариупол
Руските сили спроведуваат широка офанзива во Украина и зазедоа неколку градови и села, соопшти руското Министерство за одбрана, додавајќи дека офанзивата на Мариупол продолжува.
Министерството за одбрана, според агенцијата Интерфакс, соопшти дека четири украински борбени авиони Су-27 биле соборени во воздушни борби кај Житомир, на околу 100 километри западно од Киев, пренесува Хина.
Новинската агенција ТАСС објави дека од почетокот на конфликтот со Украина на 24 февруари, руските сили уништиле 69 авиони на земја и 21 во воздух.
Руската војска ја продолжи офанзивата на два града по одложувањето на евакуацијата на цивилите, изјави портпаролот на руското Министерство за одбрана Игор Конашенков.
– Поради неподготвеноста на украинската страна да влијае на националистите или да го продолжи прекинот на огнот, офанзивните операции продолжија од 18 часот по московско време, рече тој во видео порака.
Русија претходно најави прекин на огнот и отворање на хуманитарни коридори за евакуација на цивили од Мариупол и од соседниот град Волноваха.
„Ниту еден цивил не може да го напушти Мариупол или Волноваха преку најавените безбедни премини. Населението во тие градови го држат националистичките формации како жив штит“, тврди руското Министерство. Исто така, се вели дека „националистичките трупи“ го искористиле прекинот на огнот за „прегрупирање и зајакнување на позициите“.
Ново на Сител
-
САД го истражуваат протекувањето на строго тајни документи со детали за израелските планови за напад на Иран
-
Рама: Обединувањето со Европа е пат со две ленти, 100 отсто сум убеден дека во оваа деценија ќе станеме дел од ЕУ
-
Мицкоски ќе учествува на 20. Европски самит во Салцбург
-
Координатор на ОН за Блискиот Исток: Кошмарот во Газа се засилува
-
Маск ќе подарува по милион долари дневно до изборите на некој што ќе ја потпише неговата петиција
-
Околу 100 ракети истрелани од Либан кон северен Израел
-
Израел го нападна штабот на разузнавањето на Хезболах во Бејрут
-
Маж од скопско ја нападнал својата 19-годишна ќерка