Нови експлозии ги потресоа Киев и неколку други украински градови

Силни експлозии одекнаа во Киев и во други украински градови, за време на изминатата ноќ, како и утринава.

Околу три часот по локално време, најмалку четири експлозии се слушнаа во Киев. На интернет се појави и видео снимка од небото по експлозија, направена од жител на главниот град на Украина.

Како што јави Би-Би-Си, целта на нападот сè уште не е утврдена, ниту дали има повредени.

Медиумот додава дека експлозијата одекнала само неколку часа, откако претходната, во близина на главната железничка станица во Киев, го потресе градот.

Од украинското Министерство за внатрешни работи појаснија дека при нападот нема жртви, но, причинета е штета. Оштетена е и главната линија на цевководот за централно греење.