Штипската опозиција не присуствуваше на четвртата седница на Советот
Мнозинството советници од ВМРО ДПМНЕ во Советот на Општина Штип и денеска сами ја држеа четвртата седница. Нивните колеги од советничката група на СДСМ ја напуштија седницата. Координаторката на советничката група на СДСМ и коалициските партнери, Маријана Рогожарска-Поповска вели дека не присуствуваат на седницата, бидејќи сè уште ги немаат добиено заклучоците од вонредниот инспекциски надзор извршен во петокот, а кој треба да утврди дали констатираните недостатоци во врска со конститутивната седница и свечените изјави се отстранети или не.
Координаторот на советничката група од ВМРО ДПМНЕ, Душко Иванов вели напуштањето на седницата од страна на опозицијата е неоправдано. Претседателката на Советот на Општина Весна Карагунова-Кожинкова информираше дека се уште не се пристигнати заклучоците од инспекцискиот надзор во општината. Проблемите и кавгите меѓу позицијата и опозицијата во штипскиот Совет настанаа откако мнозинството од ВМРО ДПМНЕ на правата седница свечените изјави ги потпишаа без придавката „северна“ на уставното име на државата, следуваше инспекциски надзор, по заклучоците мнозинството ги потпиша свечените изјави со уставното име, но сега пак опозицијата ги чека заклучоците и од вториот контролен надзор.
Ново на Сител
-
Македонското знаме повторно се вее на Голем Кораб | ВИДЕО
-
Муртезани за гафот: Ова се случува кога си обожавател на Ричард Гир
-
Укинување на економските директори во јавните здравствени установи денеска на владина седница
-
ДЗР: 40% од високообразовниот кадар ја напуштиле Македонија
-
Потенцијално опасен астероид мина крај Земјата на далечина 300.000 километри
-
Отстранети 330 кубни метри отпад од диви депонии во неколку скопски општини
-
На Златарско Езеро се преврте гумен чамец, нуркачи трагаат по маж
-
Православните верници го слават Свети Наум Охридски Чудотворец