Заев: Нема да дозволиме ниту едно дете да биде заборавено затоа што е родено во сиромашно семејство
Повлекувањето на Законот за учебници не значи повлекување од намерата за електронски учебници, туку значи дополнително додавање на одредени елементи, рече денеска премиерот Зоран Заев во врска со повлекувањето на Законот за електронски учебници од собраниска процедура.
Појасни дека до трето одделение се продолжува со стандардниот дел на учење, со печатени учебници и дека првпат оваа година, покрај со печатени учебници за четврто одделение, ќе се пуштат и електронски учебници.
-Покрај печатените учебници, што четвртооделенците во државата ги имаат, ќе им пуштиме можност да имаат и електронски и дигитални учебници. Следната година ќе бидат четврто и петто. После таа ќе бидат, четврто, петто и шесто. И секогаш ќе ги имаат печатените учебници. Светот оди напред, дигитализација има секаде, апелирам да се даде шанса да бидеме рамо до рамо со современиот свет. Не треба да се плашиме, постапката не се брза, да дадеме шанса секоја промена носи придобивки, ги осовременува нашите деца, ги прави рамноправни со децата од целиот свет, рече Заев.
Премиерот додаде дека државата сака да воспостави еднаков третман на сите граѓани, посебно еднаков третман на децата.
-Нема да дозволиме детенце да биде заборавено, затоа што е родено во сиромашно семејство. Комплетно ќе алоцираме пари, за децата да имаат приближно еднакви услови за управување со информатички технолошките средства. Верувам дека ќе најдеме средства, рече Заев.
Претходно, Министерството за образование и наука демантираше дека се откажува од донесување нов закон за учебници и други наставни и дидактички материјали, со кој се нудеше и можност за дигитализација. Министерството укажа дека го повлекло од собраниска процедура само заради дополнување на делот за усогласување со европските документи.
МОН најавува дека законот ќе биде денеска на седница на Влада и оти потоа повторно ќе биде вратен во Собрание.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција