Пет повредени и двајца приведени по физички напад во тетовско кафуле
Тетовци на 18 и 22 години завршиле во полициска станица како приведени за напад врз сопственик на локал и менаџерот, како и оштетување на инвентарот. Настанот се случил околу 21 часот кога сопственикот и вработените се подготвувале за затворање на кафе барот, а притоа повредени се пет лица.
-Полициски службеници на СВР Тетово ги лишиле од слобода Ф.Д.(22) и М.С.(18) од Тетово, кои претходно биле пријавени дека во угостителски објект на улица „133“ физички ги нападнале сопственикот Г.К.(39) и менаџерот на објектот Ж.С.(33). Воедно причиниле и оштетување на инвентарот во објектот. Во физичката пресметка во која, според пријавеното, учествувале повеќе лица, а на која и претходела вербална расправија помеѓу двајцата пријавени и сопственикот и менаџерот на објектот, се користеле различни тврди предмети и при тоа повредени се пет лица, информира Марјан Јосифоски, портпарол на СВР Тетово.
По пријавата во кафе барот, извршен е увид по што ќе се работи на расчистување и документирање случајот како и изготвување соодветни поднесоци.
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром