Мирно се одвиваат протестите пред српскиот Парламент
Протестите кои се одржуваат вечерва пред српскиот Парламент засега се одвиваат мирно и без поголеми тензии.
Граѓаните за денешниот протест беа известени преку социјалните мрежи дека ќе се „протестира со седење“ за да се разликуваат од оние кои доаѓаат да предизвикаат насилство.
Просторот пред Собранието е речиси целосно исполнет и се слушаат пароли „Седи доле“. Повеќето од демонстрантите носат заштитни маски.
На собирот се присутни и лидерот на Партијата за слобода и правда, Драган Ѓилас, лидерот на Доста, Саша Радуловиќ, актерот Сергеј Трифуновиќ, претседателот на Демократската партија Зоран Лутовац и лидерот на Двери, Бошко Обрадовиќ.
Пред еден од влезовите на Парламентот се распоредени припадници на жандармеријата под целосна опрема за разбивање демонстранти, како и полициска коњаница. Околу целата зграда на Парламентот, како и пред Претседателството, се наоѓаат зајакнати полициски сили.
Сообраќајот е затворен во сите улици кои се наоѓаат во близина на Собранието.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице