Зајакната гранична контрола поради Италијанци кои во Словенија влегуваат преку шумски патеки

Словенија ја зајакна граничната контрола кон Италија, откако викендов голем број Италијанци влегоа во земјата користејќи алтернативни премини.

Словенечката полиција објави дека голем број луѓе, користејќи диви шумски предели и земјоделско земјиште, пеш или на велосипеди, влегле во Словенија и на тој начин ги прекршиле одредбите за начинот на поминување на границите.

Полицајците пронашле над 100 вакви нелегални премини.

Локалното население е загрижено и стравува дека ваквото неконтролирано минување на границата може да биде причина за појава на новозаразени со коронавирусот, бидејќи државјаните на Италија доаѓаат од места каде што се уште има голем број заразени со вирусот.