Вработен во обезбедувањето во продавница застрелан откако побарал од жена да стави маска за лице
Во градот Флинт во американската сојузна држава Мичиген вработен во обезбедувањето во една продавница бил застрелан откако побарал од жена да стави маска за лице поради пандемијата на коронавирусот.
43-годишниот Калвин Мунерлин починал во локалната болница откако бил застрелан од напаѓачите во главата. Убиецот и уште еден соучесник се уште се на слобода, соопштија од локалната полиција за „СиЕнЕн“.
Сведоци откриле дека Мунерлин претходно бил во вербална кавга со жена која не носела маска. Тој поради наредбата на властите побарал жената да стави маска пред да влезе во продавницата, а тоа го потврдила и снимката од надзорните камери.
На снимките можело да се види како жената потоа си заминува со својот автомобил, а 20-тина минути подоцна истото возило се враќа пред продавницата. Овојпат две лица влегуваат во продавницата, од кои едниот од напаѓачите го обвинил Мунерлин за непочитување на неговата сопруга. Потоа, другото лице го застрелува.
„Ова е бесмислено. Поради маска. Поради маска?“, изјави Тина Џејмс, роднина на убиениот.
Ново на Сител
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога
-
ЕУ го повика Израел „веднаш“ да ја прекине воената операција Рафа
-
Два пожара на отворено регистрирани изминатото деноноќие
-
Драма во Драч: Татко ги земал двете деца како заложници и почнал да пука со калашников