Русија: Пет лица се излекуваа од коронавирусот

Во Русија бројот на излекувани од коронавирусот се зголеми на пет лица, соопшти денеска Министерството за здравство во Москва.

Меѓу излекуваните се двајца кинески државјани, двајца Руси и еден Италијанец.

Според извештајот на работната група задолжена за борба против Ковид-19, во Русија се регистрирани 93 случаи на зараза. Повеќето пациенти имаат лесни симптоми на болеста, а досега се тестирани повеќе од 116.000 луѓе.