Во Делчево одбележани 148 години од раѓањето на Гоце Делчев
Делчево денеска ја одбележа 148-годишнината од раѓањето на патронот на градот, Гоце Делчев, идеолог, организатор и водач на македонското револуционерно национално ослободително движење кон крајот на XIX и почетокот на XX век.
По тој повод во организација на Општина Делчево, пред споменикот на револуционерот во центарот на градот се поклонија и цвеќе положија претставници на Општината, на политички партии, институции и здруженија на граѓаните. Во рамките на одбележувањето членовите на КУД „Гоце Делчев“ прочитаа реферат за животот и делото на Делчев.
Градоначалникот Горан Трајковки истакна дека Делчево со гордост го носи името на македонскиот револуционер.
– Гоце Делчев зазема врвно место во историјата на македонското национално ослободително и револуционерно движење. Како следбеници на неговиот лик, работиме да ги промовираме неговите заложби, да го изградиме нашиот град како достоен носител на неговото име. Тој станал вистински изразител на стремежите на поробениот македонски народ за слобода, кој го гледал светот како поле за културен натпревар на народите. Како таков, тој останал и во сеќавањата на македонскиот народ, истакна Трајковски.
Во рамки на настанот неколку песни посветени на великанот Делчев и неговото дело прочита роднокрајниот автор Васил Маневски, кој најави дека заедно со Општината се прават напори за возобновување на манифестацијата „Гоцеви Денови“.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година