Доделени националните волонтерски награди за 2015 година
Младинскиот културен центар (МКЦ)-Битола како Национален волонтерски центар, денес ги додели наградите „Златен волонтерски сертификат“ за 2015 година. Во пресрет на 5 Декември, Меѓународниот ден на волонтерството, со највиското национално признание годинава се здобија, Здружението на граѓани „Легис“-Скопје, иницијативата „Ретвитни оброк“ и иницијативата „На точак“.
Здружението на граѓани „Легис”-Скопје е наградено за волонтерскиот ангажман за хуманитарна помош за бегалците и мигрантите кои транзитираат низ Македонија, како и за лобирање за промени во Законот за азил и овозможување на слободен транзит низ Македонија. Со тоа се овозможи легализирање на нивниот престој, со што од јуни 2015 Македонија има нов хуман закон. „Ретвитни Оброк” е наградена за иницијативата со која се реализира твитерџиска акција која ги обединува готвачите и гладните. Главната цел е наместо слики од оброци на инстаграм и твитер - да се споделуваат вистински оброци за оние кои имаат потреба од тоа.
Со одлука на Волонтерскиот центар на Македонија, наградена е и иницијативата „На точак” за активностите во кои илјадници луѓе возеа по улиците низ Македонија со цел подигнување на вело-културата.
- Овој Сертификат е наменет за целата иницијатива „Критична маса - На точак“, но со оглед на тоа дека во сите 6 градови има различни тимови одлучивме сите иницијативи „Битола на точак“, „Скопје на точак“, „Штип на точак“, „Гостивар на точак“, „Тетово на точак“ и „Прилеп на точак“ да добијат „Златен волонтерски сертификат“ за 2015 година, истакна Златко Талевски, од МКЦ-Битола.
Во рамките на промотивниот настан, пред добитниците на златен волонтерски сертификат и граѓанскиот сектор се одржа јавна дискусија на тема „Волонтирањето како прв чекор во вклучувањето на граѓаните во развој на заедницата“, а воведничари беа Марјан Забрчанец, граѓански активист, Андреј Багнато, волонтер од Мировниот корпус и Сашо Додовски од МКЦ-Битола.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување