Еден од повредените во сообраќајката на Кула, пренесен во Скопје

Шестмина повредени е билансот од верижниот судир на шест возила кој утринава се случи на автопатот Велес Скопје. Еден од повредените е препратен на лекување во скопските клиники.

Поради несреќата, речиси три часа е затворен за сообраќај овој патен правец.

Според првичните неофицијални информации, причини за сообраќајката е густата магла и голомразица на мостот каде се случила несреќата.