Полицијата фатила ограбувач на казино во Неготино

Полицијата фатила ограбувач на казино во Неготино. Разбојникот бил приведен, а парите вратени на сопствениците, информираше Верољуб Додевски, портпарол на СВР Велес.

- Денеска околу 10.30 часот на ул.„Индустриска“ во Неготино, полициски службеници од Полициската станица Неготино го лишиле од слобода П.Ц. (24) од Неготино, поради тоа што околу 08.00 часот со закана со остар предмет, од вработени во казино во Неготино одзел пари и побегнал, појасни Додевски.

При преглед кај него биле пронајдени парите и биле вратени во казиното. П.Ц. е задржан во полициска станица и по целосно документирање на случајот, против него ќе биде поднесена соодветна пријава.