Зехофер загрижен заради ситуацијата на балканската бегалска маршрута
Германскиот министер за внатрешни работи Хорст Зехофер изјави дека е загрижен заради актуелната ситуација во врска со бегалците по таканаречната балканска маршрута.
За германскиот „Фокус онлајн” министерот кажа дека е многу загрижен и дека се надева дека новата Европска комисија сериозно ќе се посвети на оваа тема.
Истовремено, тој кажа дека не е изненаден од извештаите за нови бегалски рути.
-Со месеци веќе укажуваме дека во Турција има пет милиони бегалци и дека во Грција бројката на бегалци е двојно поголема, како и дека на Западен Балкан, според проценките на полицијата, има меѓу 30.000 и 40.000 бегалци, рече Зенхофер.
Тој нагласи дека заради сето тоа мора да се направи се за на земјите од Западен Балкан да им се помогне во опслужувањето на бегалците, за да не се случи развој сличен на оној од 2015 година.
Зехофер смета дека е очигледно дека многумина тој развој го потценуваат.
Германскиот министер најави дека во недела и понеделник ќе престојува во Брисел и дека на маргините на Советот на министри за внатрешни работи и правда на ЕУ ќе има билатерални разговори на темата за балканската маршрута.
Ново на Сител
-
Холивуд има тајна стара 75 години: Истиот крик се слуша во над 400 филмови, серии и видеоигри
-
Јапонски научници открија начин да ги натераат канцерогените клетки сами да се уништат
-
Хакери украле 6,3 милијарди долари од Binance – најголемиот криптограбеж во историјата
-
Почина легендарниот актер сер Патрик Стјуарт
-
Трговијата и индустријата го движат бизнисот: Над 2,2 билиони денари промет оствариле компаниите во Македонија во 2025 година
-
Коалицијата на Нетанјаху победи на изборите во Израел, но без мнозинство во Кнесетот
-
Масовен напад врз Москва - Украина ноќеска ја нападна руската метропола со 862 дрона
-
Новиот уреднички колегиум на РТС им се извини на гледачите, Студентите го одбија извинувањето
