Украински пратеници симболично го наградија со црвена ѕвезда турскиот пилот што го собори Су-24

Пратениците од Врховната рада на Украина Јулиј Мамчур и Алексеј Гончаренко, симболично го наградија турскиот пилот, што го собори рускиот бомбардер Су-24, поставувајќи на оградата на амбасадата на Турција во Киев, црвена ѕвезда, јавија украинскиот тв канал „112“, пренесе БТА.

Организаторите на акцијата истакнаа дека нападот врз рускиот авион ја покажува готовноста на Турција да ја штити својата територија.

Гончаренко, освен тоа ја прекори ЕУ, дека не е доволно остра во политиката кон Москва.