Хуманитарните работници и новинарите ја напуштаат североисточна Сирија
Странските хуманитарни работници и новинарите денеска во голем број се собраа на граничниот премин Семелка, на границата меѓу Сирија и Ирак, за да ја напуштат сириската територија, јавија американските медиуми.
Нивното заминување од Сирија се должи на турската офанзива, што почна минатата недела, но и на враќањето на единиците на сириската влада во регионот, што во последните неколку години беше управан од практично автономните курдски власти, пренесе БТА.
И покрај тоа што малку организации имаат издадено официјални соопштенија, се чини дека сите странски хуманитарни работници ќе си заминат. Десетици странски новинари кои известуваат за турската офанзива, исто така, си заминале од страв да не паднат во мрежата на владините безбедносни сили.
Припадник на меѓународна хуманитарна организација на граничниот премин Семелка изјави дека речиси сите 250 странски хуманитарни работници во североисточна Сирија ја напуштаат земјата.
Курдската администрација се обидува да ја смири загриженоста на странците, сооопштувајќи дека спогодбата за враќање на сириските владини сили е чисто воено прашање, и дека цела администрација ќе продолжи да работи со вообичаениот ритам, вклучувајќи ја и работата на границата.
Популарно од Свет
Ново на Сител
-
Приведени две лица поради нелегална сеча на дрва
-
Акциска контрола за брзо возење – за шест часа констатиран 541 прекршок
-
АХВ заплени и уништи еден тон пилешки желудник
-
Демонстрантите во Тирана се судрија со полицијата - оштетени јавни објекти и инфраструктура
-
Трамп го укина пакетот санкции против Русија содржани во „Законот на Линдзи Греам“
-
„Гугл“ го одбил барањето на Трамп - Атлантскиот или Тихиот Океан да бидат преименувани во „Океан Трамп“
-
Спелеонуркачкиот клуб „Врело“ ќе ги соопшти деталите за трите нови светски рекорди на Матка
-
Лидерите на ЕУ го завршија самитот во Брисел без договор за буџетот на Унијата
