Турција испрати дополнителни оклопни возила и воен персонал на границата со Сирија

Турските вооружени сили реализираа нова испорака на оклопни возила и воен персонал во воените единици на границата со Сирија, јави телевизијата ТРТ.

Конвојот составен од девет шлепери натоварени со оклопни возила и еден автобус кој превезувал воен персонал од Командата на 20-тата оклопна бригада во градот Шанлиурфа, под засилени безбедносни мерки пристигна во населеното место Акчакале на границата со Сирија.

Како што дознава телевизијата, конвојот е испратен со цел зајакнување на воените единици распоредени на границата со Сирија.