Заев-Рикер: Датумот за старт на преговорите со ЕУ е од интерес и на САД

Северна Македонија во овој период е целосно фокусирана на обезбедувањето датумот за старт на преговорите со ЕУ во октомври, како и за напредок во ратификацијата на Протоколот за пристапување во НАТО, двете стратешки цели за државата за чие остварување САД дадоа огромен придонес.
Ова го истакнал премиерот Зоран Заев на средбата со високите претставници на Стејт Департментот, помошникот на државниот секретар Филип Рикер и специјалниот претставник за Западен Балкан, Метју Палмер, одржана на маргините на 74-тото Генерално собрание на ОН во Њујорк.
Како што соопшти владината прес-служба, на средбата, на која бил придружуван од министерот за надворешни работи Никола Димитров, премиерот Заев истакнал дека овие цели за Северна Македонија произлегуваат и од Договорот за стратешко партнерство со САД, во кој евроатлантските интеграции на земјата се приоритет за обезбедување на стабилноста и сигурноста на земјата, како и на регионот.
Низ разговорот, се додава во соопштението, била отворена и темата за продлабочување на трговската и економската соработка меѓу двете земји за што, како што било оценето, постојат големи потенцијали.
– Претставниците на Стејт департментот, помошникот на државниот секретар Филип Рикер и специјалниот претставник за Западен Балкан, Метју Палмер, покажаа интерес и за актуелните политички случувања во нашата земја. Тие ја нагласија нивната, и поддршката на САД, во спроведувањето на реформите, особено во делот на правната држава, владеењето на правото и борбата против корупцијата, како прашања од важност за да се оствари очекуваната цел – датумот за старт на преговорите со ЕУ, што е од интерес и на САД, се наведува во соопштението.
Ново на Сител
-

Девојка со скалпел се обидела да ограби 18-годишник во Скопје
-

Гостиварец се обидел да нападне човек со моторна пила, па бил нападнат со дрвен предмет
-

Тригодишно дете од Гевгелија починало на пат кон болница
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
