Мјанмар: Бројот на загинати во свлечиштето во Мјанмар се зголеми на 110 лица
Бројот на загинати во свлечиштето во близина на рудник за жад во Северен Мјанмар се зголеми на 110 лица, а судбината на сто е неизвесна, соопшти претставник на локалните власти, јави ДПА.
Претставникот истакна дека властите не располагаат со точни податоци за бројот на луѓе, кои биле во областа. Тој изјави дека повеќето се мигранти, кои барале мали скапоцени камења од остатоците од работата на рударските компании.
Свлечиштето се појави во близина на рудник за скапоцени камења и злато во саботата по дождовите во градот Хпакант, на 350 км северно од Мандалај.
Свлечиштата се честа појава во реонот, каде се остварува 90 отсто од светската добивка на жад.
На крајот на март најмалку десет лица загинаа во свлечиште во близина до други рудници за жад во реонот.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава