Локализиран шумскиот пожар на Осогово
Локализиран и целосно е ставен под контрола пожарот што вчера попладне избувна во подножјето на Осоговските Планини во близина на кочанските села Бели и Лешки, а екипи на Територијалната противпожарна единица од Кочани и понатаму работaт на негова целосна елиминација. Отворен за сообраќај е и регионалниот патен правец од Кочани кон Пониква.
Противпожарните единици на Кочани, Виница, Македонска Каменица и Штип, како и механизација на комуналното јавно претпријатие „Водовод“, служби од Полицијата и од „Македонски шуми“ интервенираа непрекинато во текот на ноќта.
Рано утринава општинскиот Кризен штаб одржал координативна средба на местото на противпожарната интервенција, на кој се разгледувале натамошните активности на екипите кои учествуваа во гаснењето.
– Општина Кочани вчера побара налог од Дирекцијата за заштита и спасување за гасење пожарот од воздух, па и покрај неговата локализација, постои можност и за таква интервенција, информираше градоначалникот Николчо Илијев, кој раководи со Штабот за заштита и спасување.
Според првичните информации, опожарена е површина од 100 до 150 хектари, над селото Бели, до браната Гратче и селото Црвена Нива. Огнот зафати борова шума сè до селото Лешки.
За последиците од пожарот, Кризниот штаб ќе информира во текот на денот.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот