-->
-->
Еролд Муслиу нов директор на Агенцијата за разузнавање
-->
![](/sites/default/files/styles/large/public/article/teaser-images/2019/may/61183966_2505526809459531_7259994867827212288_n-220413.jpg?itok=od4GhP1N)
Пендаровски ги потпиша првите разрешувања и именувања. Еролд Муслиу е неговиот избор за нов директор на Агенцијата за разузнавање. Досегашниот директор утринава бил разрешен.
Еролд Муслиу, завршил Факултет за безбедност во Скопје како еден од најуспешните студенти. Муслиу по дипломирањето веднаш бил вработен во 1994 година во Дирекцијата за безбедност и контраразузнавање. Со формирањето на Агенцијата за разузнавање, тој преминува да работи како разузнавач. Тој е полиглот, зборува повеќе јазици, интелектуалец меѓу безбедносните професионалци. Во 2011 година, бил еден од кандидатите на претседателот на државата, Ѓорге Иванов за директор на Агенцијата за разузнавање. Во моментот ја врши функцијата помoшник во Агенцијата за разузнавање.
Пендаровски го екипира и својот претседателски кабинет. Покрај Бошњаковски кој веќе јавно соопшти дека ќе биде Генерален секретар, во кабинетот како ПР офицер доаѓа Билјана Радева која до сега беше дел од тимот за медиуми на Британската амбасада.
Нов советник за национална безбедност е Блерим Кољали, а Александар Спасов советник за внатрешна и надворешна политика.
Тоше Зафиров ќе биде посебен советник на Пендаровски. Протоколот пак ќе го води Билјана Мицевска Јосифовска.
Советник за надворешна политика ќе биде и амбасадорот Гоце Карајанов.
Во тимот надворешни соработници влегуваат професорот Денко Малевски, Мирјана Лазаровска Трајковска и Беса Арифи.
Славица Арсова
-->
-->
-->
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?