Заев: Северна Македонија била и секогаш ќе биде Европа
Граѓаните на Република Северна Македонија денес се горди на својот избор, ја избравме иднината, која и припаѓа на Европската унија. Ги избравме Европа и ЕУ, затоа што се изградени на вредности во кои веруваме и ги практикуваме, порача денеска премиерот Зоран Заев во Владата, каде беа одбележани 9 Мај – Денот на победа над фашизмот и Денот на Европа, но и 70 години од основањето на Сојузот на НОБ и 75 годишнината од првото заседание на АСНОМ.
-По сите премрежја и искушенија презедовме крупни и храбри чекори со цел од државата да направиме дом за сите, европски дом затоа што Република Северна Македонија била и секогаш ќе биде Европа, рече Заев.
Додаде дека преку крупни чекори е зацврстено значењето на АСНОМ, преку државно-правната традиција, но и во преамбулата на Уставот.
-Наскоро ќе стоиме пред јарболот во седиште на НАТО кога ќе се издига македонското знаме. Ќе стоиме гордо затоа што грбот, химната и знамето остануваат засекогаш во нашиот код на нашиот идентитет, исто како и нашата територија, јазикот именувањето на народот со сите атрибути, со својата историја, култура и наследство, јасно и гордо македонски, нагласи премиерот, оддавајќи им почести и заблагодарувајќи и на борците од НОБ за нивната вековна борба и стремежот на македонскиот народ и на сите граѓани за самостојна држава.
-Другари и другари, дами и господа на 25 и 26 мај 1948 година во Скопје се одржа првиот основачки конгрес на Сојузот на борците, потсети Стојановски и додаде дека основа цел на Сојузот била обновата и изградбата на земјата.
Истакна дека по крвавата војна во која македонскиот народ и народностите дале 24 илјади жртви и претрпеле многубројни страдања и уривања Сојузот се соочувал со тешка одговорности да чува скапо стекната слобода во остварена во Антифашистичката коалиција.
Додаде дека Сојузот на борци активно се вклучил во периодот на транзиција и оти во новиот Устав се води грижа за учесниците на НОБ.
Потпретседателот на Сојузот Борко Зафировски во својот говор рече дека денеска почнува нова епоха за помладите, мудри и храбри политичари, без предрасуди, кои ќе ги зачуваат вредностите на државата.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава