СБ на ОН ја повика ЛНА да ги запре сите воени активности во Либија

СБ на ОН изрази загриженост поради воената активност во близина на либискиот главен град Триполи, и предупреди дека тоа претставува закана за стабилноста на земјата, соопшти германскиот амбасадор во ОН Кристоф Хојсген, кој претседава со Советот во април.

 

Советот за безбедност го усогласил соопштението на состанок зад затворени врати на кој се дискутирало за најновиот развој на ситуацијата во Либија.

 

– Исто така се повикуваат сите страни да ја намалат затегнатоста и да ги запрат воените активности. Не може да има воено решение за конфликтот, истакна германскиот амбасадор.