Дебар, Центар Жупа и Река вчера 17 часа без струја

Целото дебарско конзумно подрачје вчера без електрична енегија беше околу 17 часа, од 7:00 до 23:40 часот.

Претходно беше најавено дека поради технички зафати во Хидроелектраната „Шпиље“ кај Дебар, без напојување со електрична енергија поширокиот дебарски регион ќе биде од 6:00 до 19:00 часот.

-При редовен сервис на регулациска склопка на регулацискиот 110/35 киловолтен трансформатор се појави проблем за што беше потребно дополнително ангажирање. Поради тоа подрачјето остана без електрична енергија, подолго од предвденото, изјавија за МИА од ЕЛЕМ.

Дебарското конзумно подрачје ги опаќа општините Дебар, Центар Жупа и регионот на Река, општина Маврово и Ростуше, кое опфаќа над четири и пол илјади потрошувачи, правни и физички лица.

Недостигот на електрична енергија услови поголем број од институциите да не може да ги обавуваат секојдневнте работи, а граѓаните да добијат потребна услуга.

Нездоволство од долгиот прекин во снабдувањето со електрична енергија искажуваат и бизнисите, кои се жалат дека им е предизвикана материјална штета.