Ослободени и шпанските новинари приведени во Венецуела
Шпанската државна новинска агенција ЕФЕ објави дека се ослободени тројца нејзини новинари кои беа приведени во главниот град на Венецуела, Каракас.
Претходно беше соопштено дека биле ослободени и двајца француски новинари кои беа уапсени додека известувале за политичките превирања во Венецуела.
За двајца новинари од Чиле наредено е да се депортираат.
ЕФЕ претходно објави дека колумбискиот фотограф Леoнардо Муњос исчезнал во средата претпладне во Каракас, а оти припадници на разузнавачките тајни служби на Венецуела (СЕБИН) подоцна уапсиле и двајца новинари, Шпанецот Гонзало Домингез и Колумбиjката Морин Барига.
Шпанската Влада соопшти дека државјанин на Венецуела кој работи за шпанската новинска агенција исто така бил приведен. Тој не е идентификуван.
Кризата во Венецуела се повеќе се продлабочува. Врховниот суд му забрани на опозицискиот лидер Хуан Гуаидо, кој се прогласи за привремен претседател, да ја напушта земјата, а тој повикува на нови протести.
Европскиот Парламент вчера го призна Гуаидо за претседател на Венецуела.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево