Денеска променливо облачно, a еве што не очекува од петок

Времето во Македонија ќе биде претежно облачно со повремени врнежи од дожд, а на планините од снег. Врнежите ќе бидат пообилни во текот на ноќта во источните делови. Претпладне по одделни котлини ќе има појава на магла.

 

Утринската температура ќе се движи од минус еден до пет, а дневната од два до 10 степени.

 

Во Скопје времето ќе биде променливо облачно. Во утринските часови ќе има појава на слаба магла. Ќе дува слаб ветер од северен правец. Утринската температура ќе се спушти до нула, а дневната ќе достигне до пет степени.

 

Од петок се очекува значително затоплување, особено на повисоките места и на планините што ќе услови топење на снежната покривка.