Собранието ги утврди предлог-амандманите на Уставот, следува нивното донесување

Пратениците во Собранието на Република Македонија вечерва во рамки на 75. седница ги утврдија предлог амандманите XXXIII, XXXIV, XXXV, XXXVI на Уставот на Република Македонија, по што треба да почне донесувањето на амандманите.

Пратениците на Алијансата за Албанците и на Беса ги повлекоа своите амандмани на уставните амандмани.

Џафери отвори претрес за амандманот на осумте пратеници од ВМРО-ДПМНЕ, кој премиерот Зоран Заев го отфрли, а пратеничката Елизабета Канчевска Милевска побара појаснување  кои биле причините да се прифати терминот „ерга омнес“.

-Премиерот ќе го води сенка кога долг период велеше дека нема да се менува Уставот, но и ВМРО-ДПМНЕ да бидат неми посматрачи и да не учествуваат во овој процес. Раководството на ВМРО-ДПМНЕ го избра најлесниот и најлошиот пат кон решавање на ова историско прашање. Со тоа ја потврдија лажната политрика и лажниот патроитизам. Потврдија дека сакаат ова сето брзо да се заврши и некој друг да го заврши, а потоа на прес-конференција да ги набројат со име и презиме кои се предавниците, рече Канчевска Милевска.

-Можам да им порачам дека предавници не се чувствуваме во ни еден момент, ниту претходно, ниту сега. Предавници се оние кои бегаат од проблемите и не нудат никакви решенија, рече Канческа-Милевска и додаде дека е убедена оти ВМРО-ДПМНЕ ќе ги утврди пропустите.

Заев посочи дека секоја информација ја споделувал со Мицкоски уште кога почнал да преговара со Грција и се надевал на консензус во Собранието за договорот.

-Парламентот и досега имал тешки одлуки, а и денешната не е лесна. Најлесно е да го избегнете овој процес и да се скриете под политиканството. Вашата политичка партија знае дека подобар договор не може да се постигне со Грција и дека не можа без договор да се оди во НАТО и ЕУ. Затоа Мицкоски одбегнуваше и веруваше дека нема да се постигне договор. Точно е дека јас го проемнив мојот став, но променатав на ставот носи прогрес. Решение едно за дома, едно за надвор носи нови кавги. Можеби ќе можеше да биде само за надвор, но ако прифатевме име без Македонија или споено како Новамакедонија, рече Заев.