Јавна опомена за Валентина Васевска и Енес Ибрахим поради судир на интереси
Државната комисија за спречување на корупцијата констатира судир на интереси кај Валентина Васевска и Енес Ибрахим поради кумулација на функции и повреда на Законот за спречување судир на интерси, поради што донесе одлука на овие лица да им изрече мерка јавна опомена.
Валентина Васевска, како што соопшти денеска ДКСК, истовремено со функцијата член на Советот на Општина Македонска Каменица ја извршува и функцијата член на Надзорен одбор на ЈП „Камена Река“ од Македонска Каменица.
Енес Ибрахим истовремено со функцијата пратеник во Собрание на Република Македонија е и управител на трговско друштво – Друштво за филмска и музичка продукција, авторски права и услуги „ЌУМЕДИА“ ДООЕЛ Скопје.
- Постапувајќи согласно со одредбите од Законот за спречување судир на интереси, а во насока на отстранување на констатираната состојба на судир на интереси, Државната комисија за спречување на корупцијата согласно член 23 став 1 од Законот за спречување судир на интереси се обрати лично до наведените службени лица со барање во рок од 15 дена сметано од денот на приемот на барањето доброволно да се откажат од извршување на едната од двете функции, се наведува во соопштението.
Валентина Васевска и Енес Ибрахим, како што велат од ДКСК, не постапија по барањето на Државната комисија, поради што според Законот за спречување судир на интереси Државната комисија за спречување на корупцијата донесе одлука на овие лица да им изрече мерка јавна опомена.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера