ЛШ - жени: ЖРК Вардар гостува во Данска

Ракометарките на македонскиот шампион ЖРК Вардар попладнево (17 часот) гостуваат во Данска кај екипата на Митјиланд во рамките на 4.коло од групата Ц од Лигата на шампионите. Пред седум дена во Скопје ЖРК Вардар победи со 33:24, но Митјиланд направи изненадување со победата над унгарски Ѓер на негов терен.

 

- Се надевам дека ќе успееме да ја повториме агресивната игра од Скопје и на дуелот во Данска. Одбраната е клучот на успехот, со добра одбрана можеме да стигнеме до позитивен резултат. Пад во играта како во Скопје, не смее да ни се случи, дека противникот ќе знае да не казни, изјави пред дуелот тренерот Индира Кастратовиќ.

 

Инаку досега се одиграа четири натпревари од оваа рунда.

Резултати и табели:

А група: Ларвик – Крим 32:28, Ростов Дон – Баја Маре 27:26.

Табела: Ростов Дон 8 бодови, Ларвик 6, Баја Маре 2, Крим 0.

Б група: ФТЦ – Турингер 32:28, Флери – Подравка играат денеска.

Табела: ФТЦ 7, Турнигер 3, Флери 3, Подравка 1.

Ц група: Митјиланд - ЖРК Вардар и Ѓер – Хипо играат денеска.

Табела: ЖРК Вардар 4, Митјиланд 4, Ѓер 4, Хипо 0.

Д група: Савехоф – Лублин 27:24, Будуќност – Букурешт играат денеска.

Табела: Будуќност 6, Букурешт 4, Савехоф 4, Лублин 0.