Груби: Евроатлантската интеграција е неопходна и без алтернатива
Претседателот на Комисијата за европски прашања и на Групата за пријателство со САД Артан Груби денеска во Вашингтон се сретна в.д. заменик-помошникот државен секретар Сусан Фалатко која раководи со канцеларијата за Централна и Југоисточна Европа на Стејт Департментот.
Соговорниците, како што информира ДУИ, разговараа за процесот на уставните измени и спроведувањето на Преспанскиот договор, евроатлантските интеграции на земјата, билатералните односи со САД, системските реформи, владеењето на правото и помирувањето.
Груби, како што се наведува, им се заблагодари на САД за големата поддршка за Македонија и регионот во изградбата на демократските капацитети и нашиот пат кон интеграцијата во НАТО и ЕУ, која е неопходна и без алтернатива.
Фалатко ја изразила поддршка на САД за Преспанскиот договор и за интеграцијата на Македонија во НАТО и Европската унија, како и нашите напори за успешно заокружување на овој процес.
Груби го посетил и американскиот Сенат каде заедно со конгресмени и сенатори и колеги од 80 држави, учествуваше на 12-от Парламентарен форум на безбедноста за разузнавање на кој се дискутираше за борбата против тероризмот и надзорот над агенциите за разузнавање и контраразузнавање. Груби се потпишал и во книгата на жалост за покојниот претседател на САД, Џорџ Буш.
Ново на Сител
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час