Во оружен напад убиени шест полицајци во Мексико
Вооружени мажи извршија вчера напад врз полициски конвој во западниот дел на Мексико, обидувајќи се да ослободат затвореник, при што се убиени шест полицајци, соопштија локалните власти.
Тоа е најсериозниот напад извршен од криминална банда, откако во саботата стапи на должност новиот претседател Андрес Мануел Лопез Обрадор, кој вети дека ќе ја намали стапката на насилство во земјата.
Јавниот обвинител на државата Халиско, Марисела Гомез Кобос изјави дека вооружената група патувала со три возила и го нападнала полицискиот конвој во близина на автопатот. Еден од напаѓачите бил повреден и уапсен.
Останатите напаѓачи избегале и направиле две барикади на патот со опожарени автомобили. Наркокартелите во Мекиско често употребуваат таква тактика, со цел да си обезбедат пат за бегство.
Во државата, каде што е извршен нападот, дејствува наркокартелот „Халиско – Нова генерација“.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата