„Та неа“: Тајна средба Ципрас - Каменос
Тајна средба, според грчкиот весник „Та неа“, имале вчера грчкиот премиер Алексис Ципрас и неговиот коалициски партнер и министер за одбрана Панос Каменос.
Средбата не била во премиерската палата, туку во Клубот на воени лица, каде што кусо по 15 часот имале работен ручек.
Според „Та неа“, двајцата коалициски партнери, го потврдиле нивниот договор да продолжат заедно до март, односно до моментот кога Договорот од Преспа ќе стигне во грчкиот Парламент.
- За време на ручекот, што беше по силните напади кон претседателот на Независни Грци од голем број функционери на СИРИЗА за време на состанокот на Централниот комитет, Ципрас и Каменос се согласија и покрај било каквите разлики меѓу нив, да продолжат заедно барем до март, кога се очекува во грчкиот Парламент да стигне Договорот од Преспа, пишува грчкиот весник.
Средбата доаѓа по враќањето на Каменос од САД, каде што говореше за план Б за Договорот од Преспа и предизвика реакции во Грција, како од членови на Владата, така и од опозициските партии.
Како што јави дописничката на МИА од Атина, иако грчките медиуми вчера наутро споменуваа дека е можна средба на Ципрас и Каменос, сепак, официјално не беше ништо најавено, а самиот министер за одбрана во вчерашното интервју за ЕРТ, одби да даде конкретен одговор дали и кога ќе се сретне со грчкиот премиер.
За средбата нема официјална потврда ниту од кабинетот на Ципрас, ниту од кабинетот на Каменос.
„Та неа“ заедно со текстот, објави и фотографии од моментите кога одвоено, со разлика од три минути, пристигнуваат Каменос и Ципрас.
Двајцата коалициски партнери, денеска, јавно и официјално ќе седнат на заедничка маса на владината седница со која ќе заседава грчкиот премиер Алексис Ципрас, а ќе бидат присутни сите министри.
Ново на Сител
-
Почна комисиската расправа за Предлог-законот за реорганизација на органите на државната управа
-
Турски државјани натепале скопјанец на Бит Пазар
-
В недела предвремени парламентарни избори во Бугарија
-
ИЈЗ: Три случаи на конго-кримска хеморагична треска, еден случај на морбили
-
ЦУК: Турист од Холандија удрил во камен во Охридско Езеро, пренесен во болница
-
Во текот на 2023 година во земјава се родиле 14 деца од мајки помали од 15 години
-
Столтенберг: Украина има право да напаѓа цели во Русија
-
Вучиќ: За мене изборите завршија, ќе има многу важни одлуки на Сесрпскиот собор