Локални избори во Сирија

Во деловите на Сирија под контола на Владата во Дамаск денеска се одржуваат избори за органите на локалните власти.

На овие први локални избори во Сирија по 2011 година, за 18.478 места во општинските совети се борат над 40.000 кандидати.

Гласањето на изборите започна утрово и ќе трае до 17 часот по средноевропско време. 

Последните локални избори во Сирија се одржаа во декември 2011 година, иако во тоа време во земјата веќе осум месеци беснееше граѓанска војна. Во меѓу време, и покрај војната, сириските власти во деловите под нивна контрола организраа парламентарни избори во 2012 и 2016 година и претседателски во 2014-та.