Денеска е Св.Наум Охридски Чудотворец, исцелител и просветител на македонскиот народ
Со црковно народен собир денеска беше одбележан празникот летен свети Наум Охридски-Чудотворец во истоимениот манастирски комплекс на Попова Шапка.
Традиционално за ова празнување доаѓаат голем број верници од сите краишта на Македонија. Во црквата беше отслужена света божествена архиерејска литургија со која чиноначалствуваше митрополитот тетовско-гостиварски господин Јосиф заедно со митрополитот кумановско-осоговски господин Јосиф во сослужение на повеќе свештенослужители на МПЦ – Охридска архиепископија.
- И оваа година ја продолживме долгогодишната традиција и повторно се собравме на овој ден во овој храм, не само да ја одбележиме манастирската слава туку да се потсетиме на животот, делата и безбројните чуда прославувајќи го сечесниот спомен на големиот свети Наум Охридски Чудотворец, еден од најревносните ученици на солунските рамноапостолски браќа светите Кирил и Метродиј, рече во својата беседа пред присутните митрополитот тетовско гостиварски господин Јосиф.
Светата литургија беше збогатена со црковно пеење на реномираниот женски младински хор „Менада“ од Тетово. По литургијата во доворот на манастирската црква беа искршени кумските колачи по што беа поделени парчиња од лебовите, а паричките во нив ги одредија кумовите за прославата на празникот свети Наум за следното лето.
Ново на Сител
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото