Снимен убиецот на Оливер Ивановиќ? Камерите го забележале убиството во Косовска Митровица
Над просториите на партијата Граѓанска иницијатива „Србија, демократија, правда“ во Косовска Митровица стојат две камери за видео надзор кои најверојатно го забележале моментот, кога е убиен лидерот Оливер Ивановиќ, изјави извор за српски Блиц.
Недалеку од таму, поточно на километар и нешто, полицијата пронајде запалено возило марка опел астра со кое убиецот, најверојатно побегнал од местото на злосторството.
Косовската полициајта претходно соопшти дека има информации за потеклото на тоа возило.
Имено, генералниот директор на полицијата Шпенд Маѓуни, не изнесувајќи многу детали, рече дека имаат доволно информации за да се трага по сопственикот на возилото.
-Возилото било без регистарски таблички, но успеавме да обезбедиме доволно информации за потеклото и сопственикот на возилото. Не може да ви дадам повеќе детали, но информациите што ги имаме се доволни за да се трага по сопственикот на возилото, изјави Маѓуни на конференцијата за медиуми по седницата на Советот за безбедност на Косово.
Ивановиќ почина во Здравствениот центар во северниот дел од Косовска Митровица, откако врз него непознато лице истрела повеќе куршуми од пиштол пред седиштето на Граѓанската иницијатива СДП.
Ковчегот со телото на Оливер Ивановиќ денеска попладне околу 18.30 часот е донесен пред просториите на партијата каде ќе преноќи.
Утре, како што е најавено, ќе биде префрлен во Белград.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот