И мртва не им дава мир: Малта на нозе по убиството на новинарката

Илјадници Малтежани денеска излегоа на улиците на главниот град Валета за да ја изразат својата желба за единство во земјата по смртта на новинарката и блогерка Дафне Каруана Галиција која беше убиена во понеделникот.

Организаторите на протестниот марш во Валета им порачаа на сите учесници да го носат само знамето на земјата. Во демонстрациите учествуваше и претседателката Мари Луиз Колеиро Преца, както и повеќе пратеници. На народните избраници им беше забрането да даваат изјави и да говорат на протестот.

„Новинарите нема да бидат принудени да молчат!“ и „Ние не се плашиме“ беа само некои од транспарентите што ги носеа демонстрантите.

Според некои локални медиуми, демонстрантите исто така побарале и оставка од началникот на полицијата, како и од јавниот обвинител на Малта.