Конститутивна седница на албанскиот Парламент
По два и пол месеци од одржувањето на парламентарните избори денеска ќе се конституира новиот албански Парламент.
По верификацијата на мандатите на пратениците ќе биде избран претседател и тројца потпретседатели на Парламентот. Како победничка, спикерското место во и припаѓа на Социјалистичката партија,која за оваа функција го кандидира Грамоз Ручи.
Со седницата ќе претседава пратеникот од Социјалистичката партија Бесник Баре, откако како највозрасни, одбиле да претседаваат, најпрво Сали Бериша, а потоа и Тритан Шеху и Халим Косова, сите од Демократската партија.
На изборите одржани на 25 јуни, коалицијата „За Албанија која ја сакаме“, предводена од социјалистите на Еди Рама, освои 74 пратенички мандати во 140-члениот Парламент. Коалицијата на десницата „Нова Република“ предводена од демократите на Љуљзим Баша, 43 пратенички места, Движењето за социјалистичка интеграција на Моника Круемади (екс лидер Илир Мета) 19, три Партијата за единство и правда (партија на протераните Чами од Грција) и еден пратеник од Социјал-демократската партија.
Пратениците од опозицијата, предводени од демократите на Љуљзим Баша најавија дека ќе присуствуваат на седницата, но нема да го поддржат Ручи за спикер на парламентот.
Ново на Сител
-
Хамас се повлекува од преговорите за примирје во Појасот Газа
-
По обидот за атентат најверојатно ќе се зголеми рејтингот на Трамп
-
Јанчев очекува пожарот на Серта денеска да се стави под контрола
-
Десет до петнаесет колапси дневно и зголемен број сообраќајки
-
Исклучени два далекуводи во неготинско од безбедносни причини, нема прекини во снабдувањето со електрична енергија
-
Герапетритис: Новиот политички и државен врв на Северна Македонија систематски го прекршува Договорот од Преспа
-
Лишен од слобода жител на неготинско село, братот пријавил во полиција дека му се заканувал со остар предмет
-
Мицкоски го осуди обидот за атентат врз Трамп