Пет сообраќајки за еден ден во Скопје, нема повредени
Пет сообраќајни незгоди се регистрирани во изминатото деноноќие на подрачјето на Скопје, во кои ниту еден учесник не е повреден. Сите незгоди се со последица материјална штета.
Во текот на изминатиот ден сообраќајната полиција санкционирала 70 пешаци кои сториле прекршоци по различни основи, 48 возачи кои се движеле со брзина поголема од дозволената, осум возеле под дејство на алкохол, пет поминале на црвено светло на семафор, а пет возачи не отстапиле предност на минување на пешаците на обележан пешачки премин.
Со помош на специјалното возило „пајак“ отстранети се 116 возила кои го попречувале нормалното одвивање на сообраќајот.
Отсекот за превенција при Единицата за безбедност во патниот сообраќај при СВР Скопје денеска ќе одржи едукативни работилници во Основното училиште „Ѓорѓија Пулевски“ кое се наоѓа на територијата на општина Аеродром со учениците од второ и четврто одделение.
За денеска не се најавени вонредни настани со што се очекува сообраќајот да се одвива тековно и според постоечката сообраќајна регулатива.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ