Изгаснати пожарите на струшката депонија, локацијата се тампонира
Активностите спроведени на терен резултираа со гаснење на пожарите на дивата депонија во Струга, а според последните информации затрупан и покриен е повеќе од половина од отпадот што се наоѓа таму.
Тешка механизација веќе втор ден работи на локацијата, со цел конзервација на локалитетот што веќе неколку месеци наназад беше опожаруван, а густ чад и штетни честички секојдневно го загадува воздухот, предизвикувајќи респираторни и други проблеми кај населението на Струга и околните села.
Граѓаните на Струга заедно со активисти на повеќе граѓански здруженија во меѓувреме побараа од политичарите, како на локално така и на национално ниво, да престанат да ја злоупотребуваат нивната мака за добивање политички поени, а сите капацитети да ги вложат во преземање конкретни активности за надминување на проблематичната состојба.
Од граѓанската иницијатива „Доста е“, во меѓувреме, до надлежните институции е упатено барање со три точки, во кои се инсистира веднаш да се изнајде нова локација за одлагање на отпадот, одлука во најкус рок за целосно затворање и конзервација на дивата депонија, како и разработување методи за намалување на отпадот и негова селекција.
Тие следниот протест во врска со проблемот со отпадот во Струга го најавија за в среда - 21 јуни.
Ново на Сител
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени