СЈО: Поднесено барање за заштита на законитоста за предметот „Талир“
Специјалното јавно обвинителство (СЈО) денеска соопшти дека постапувајќи по предметот „Талир“ до Врховниот суд на Република Македонија е поднесено барање за заштита на законитоста.
- Со барањето за заштита на законитоста се бара Врховниот суд да утврди дека решението на Кривичниот совет на Одделението за организиран криминал и корупција на Основниот суд Скопје 1 Скопје, со кое е одбиено барањето на ова Јавно обвинителство за обезбедување дел од имотот на една политичка партија, било незаконито, се вели во соопштението.
СЈО потсетува дека на 22 мај годинава поднесе барање за привремено одземање имот заради обезбедување, односно за определување на привремена мерка – забрана за отуѓување на недвижен имот со ставање хипотека на тој имот поради основано сомневање дека потекнува од кривично дело „злоупотреба на службена положба и овластување“, кое беше одбиено.
Причините за поднесување на барањето за заштита на законитоста, појаснува СЈО, се во фактот што во конкретниот случај се исполнети сите законски претпоставки за обезбедување на имотот кој што потекнува од кривичното дело, а воедно на првостепениот суд му беше приложен и обемен доказен материјал проследен со финансиски анализи, кои го поткрепуваат барањето за обезбедување на имотот.
- Со барањето за заштита на законитоста укажано е на неопходноста од толкување на Законот за финансирање на политичките партии во согласност со меѓународните стандарди врз основа на кои овој закон е донесен и на околноста дека рестриктивното толкување на првостепениот суд на споменатиот закон е во спротивност и со заложбите за спречување на корупцијата како неопходен услов за градење демократско општество и почитување на принципот на владеењето на правото, наведува СЈО во соопштението.
Во случајот „Талир“ којшто се однесува на незаконско финансирање на ВМРО-ДПМНЕ се осомничени 14 лица.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година